A Lied vom Gänserich.

Von Struwwelfeedje.

Mir hadde mol än Gänserich,
Kratzberscht hie, Kratzberscht her.
Der pruscht: Ich sein än Dokterich.
Kratzberscht hie un her.
Des wär jo net so schlimm gewest,
Hät er net g’maant, er wär der best
un alle annern om ehe rom
wärn halb nar g’scheit un halwer domm.

Die Klugheit, die hät’ er nar ’kaa,
Kratzberscht hie, Kratzberscht her.
Mer seechsts am rode Hosebaa,
Kratzberscht hie un her.
Er könnt aach bald Professor wern,
beim Milidär kreecht er drei Stern,
un alles, was net Dokter wär,
wär wenjer noch wie Wageschmee.

Amol im Wonnemonat Mai,
Kratzberscht hie, Kratzberscht her,
do hadde mir ä Hochzerei,
Kratzberschrt hie un her.
Do sagte mir: Herr Gänserich,
machs Destamment, mir schlachte dich!
Mir hun aach werklich ernst gemacht.
Wanns annerscht wär, wär’s jo gelacht.

Der Wolgadeutsche, Berlin, 1923, Nr. 11, 1. Beilage, S. 3.